Завод дакладнай электрамеханікі далучыўся да рэспубліканскай інфармацыйна-адукацыйнай акцыі “Беларусь – энергаэфектыўная краіна”, прымеркаванай да штогадовага міжнароднага Дня энергазберажэння.
Акцыя праводзіцца ў Беларусі з 30 кастрычніка да 11 лістапада 2024 года. Мэта яе правядзення – павышэнне дасведчанасці насельніцтва аб важнасці эфектыўнага выкарыстання энергарэсурсаў, магчымых спосабах і метадах іх эканоміі, у тым ліку ў паўсядзённым жыцці, што з’яўляецца значнай мерай у паляпшэнні дабрабыту грамадзян і эканамічнага росту краіны ў цэлым.
Карысныя парады аб спосабах энергазберажэння ў побыце можна знайсці на інтэрнэт-сайце Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь у раздзеле «Папулярна аб энергазберажэнні / Карысныя парады» і афіцыйным YouTube-канале ведамства.
