Праблемы, звязаныя з высокім узроўнем спажывання алкаголю насельніцтвам, уяўляюць сабой рэальную пагрозу дэмаграфічнай бяспецы, перашкаджаюць устойліваму развіццю беларускага грамадства і дзяржавы. У рэспубліцы работа па прафілактыцы спажывання алкаголю знаходзіцца ў фокусе дзяржаўнай палітыкі Рэспублікі Беларусь на ўсіх узроўнях яе рэалізацыі.
На пастаяннай аснове рэалізуюцца прафілактычныя мерапрыемствы, накіраваныя на мінімізацыю негатыўнага ўплыву фактараў, якія ўплываюць на яе далучэнне да спажывання алкаголю:
- праводзяцца тэматычныя бацькоўскія сходы, круглыя сталы, сустрэчы па пытаннях інфармавання аб негатыўных медыцынскіх і сацыяльна-прававых наступствах спажывання алкаголю;
- праводзяцца прафілактычныя праекты па фарміраванні навыкаў здаровага ладу жыцця, бяспечных і адказных паводзін (напрыклад, “Установа адукацыі здаровага ладу жыцця”, “Мой стыль жыцця сёння – маё здароўе заўтра!”, “Мой стыль жыцця – здароўе” (для юнакоў ) і «Быць здаровай – гэта класна!» і інш.);
- укараняюцца ў адукацыйныя праграмы факультатыўныя заняткі, накіраваныя на фарміраванне навыкаў здаровага ладу жыцця (напрыклад, “Правілы ў маім жыцці”, “Вучымся жыць у міры і згодзе”, “Культура здаровага ладу жыцця” і інш.);</li >
- праводзяцца навучальныя семінары для работнікаў устаноў адукацыі па пытаннях прафілактыкі спажывання алкаголю навучэнскай моладдзю, у тым ліку, навучанне эфектыўным стратэгіям папярэджання спажывання алкагольнай прадукцыі непаўналетнімі.
Акрамя таго, у гарадскіх, раённых фізкультурна-аздараўленчых, спартыўных цэнтрах і фізкультурна-спартыўных клубах праводзяцца заняткі па здароваму ладу жыцця.
Грамадскімі арганізацыямі і аб’яднаннямі ажыццяўляецца правядзенне адукацыйных і матывацыйных акцый для розных груп насельніцтва. У дзейнасць па прафілактыцы п’янства і алкагалізму ўцягнуты і Беларуская праваслаўная царква, Беларускае Таварыства Чырвонага Крыжа і іншыя, якія праводзяць духоўнае суправаджэнне асоб, схільных да алкагалізму. Грамадскімі арганізацыямі ажыццяўляецца актыўная работа па рэабілітацыі асоб з сіндромам залежнасці ад алкаголю, аказанне ім рознабаковай сацыяльнай і кансультатыўнай дапамогі.
Што да медыцынскай дапамогі, то ў краіне ёсць 29 наркалагічных аддзяленняў, а таксама 28 стацыянараў дзённага знаходжання. Акрамя традыцыйнага аказання меддапамогі ў цэнтрах «Псіхіятрыя – наркалогія», у профільных стацыянарах, прадастаўлена магчымасць аказваць наркалагічную дапамогу на ананімнай аснове. На змену традыцыйным метадам лячэння алкагалізму прыйшлі новыя падыходы да арганізацыі комплекснай медыка-сацыяльнай дапамогі, якія дазваляюць утрымліваць пацыентаў у рэмісіі больш працяглы час. Акрамя таго, на базе РНПЦ псіхічнага здароўя праводзіцца кароткатэрміновая рэабілітацыя пацыентаў, якія пакутуюць ад залежнасці ад алкаголю, з наступнай магчымасцю доўгатэрміновай рэабілітацыяй пры ўзаемадзеянні з грамадскімі супольнасцямі.
