Напярэдадні свята 8 Сакавіка мужчыны дзяржаўнага прадпрыемства «Завод дакладнай электрамеханікі» павіншавалі цудоўную палову калектыву з Днём жанчын.
Святочная атмасфера, створаная для мілых дам, суправаджалася вясновай музыкай і сонечным настроем прадстаўніц прыгожага полу.
З самай раніцы ў фае прадпрыемства жанчын сустрэлі штукары-ілюзіяністы. Мікрамагія ў дзеянні – і самыя разнастайныя прадметы з’явіліся ў жаночых сумачках і кішэнях адзення.
Прыемнае здзіўленне стала залогам прыўзнятага настрою гэтага дня.
У працяг віншавальных мерапрыемстваў у актавай зале жанчын чакаў вядучы свята. Для цудоўных дам была арганізавана віктарына “Жанчыны, якія змянілі свет”. Першыя пяць удзельніц, якія набралі найбольшую колькасць балаў, атрымалі памятныя падарункі.
Арыгінальным сюрпрызам для жанчын аказалася шоу “Танцы Каўказа”. Дамы не толькі нацешылася запальным выступам танцораў гурта, але і самі станцавалі ў кампаніі гарачых артыстаў.
І, вядома ж, напярэдадні 8 Сакавіка святочныя віншаванні і найлепшыя пажаданні адрасавалі выдатным прадстаўніцам калектыву дырэктар А. І. Скрыпінскі і старшыня прафсаюзнага камітэта прадпрыемства І. В. Балеўскі.
Цудоўныя букеты руж і песні пад гітару І. В. Балеўскага замкнулі падарункавы “фонд” пятнічнага дня.
Падзяка жанчын, адлюстраваная святлом у іх вачах і ўсмешках на тварах, стала лепшай узнагародай за чароўную атмасферу свята, уладкованую для дам моцнай паловай калектыва прадпрыемства.
