Віншаванне з Днём абаронцаў Айчыны і Узброеных Сіл Рэспублікі Беларусь

Для Беларусі, гісторыя якой сведчыць аб непахіснай сіле духу, адвазе і доблесці абаронцаў Радзімы, гэты дзень з кожным годам набывае ўсё большы сімвалізм. Мы сталі годнымі пераемнікамі патрыятызму і гераізму нашых продкаў і павінны нястомна вучыцца ў іх любові да роднай зямлі, вернасці абавязку і справе гонару.

Нізкі паклон кожнаму, хто ў цяжкіх умовах без стомы працаваў у тыле, тым самым зрабіўшы магчымай перамогу ў гады Вялікай Айчыннай вайны.
Мы ўшаноўваем тых, хто служыць ва Узброеных Сілах Рэспублікі Беларусь, штодня адстойваючы мір і незалежнасць нашай краіны. Вы – гарант бяспекі Айчыны, прыклад смеласці і цвёрдай веры ва ўласныя сілы.

У гэты дзень мы аддаём належнае і тым людзям, якія ствараюць для беларускай арміі найноўшую ваенную тэхніку і вырабы ваеннага прызначэння. Ваш уклад робіць Узброеныя Сілы нашай краіны яшчэ больш моцнымі і гатовымі да любых выклікаў у сучасным свеце.

Жадаем усім вам волатаўскага здароўя, стойкасці, дабрабыту, душэўных сіл і мірнага неба над роднай Беларуссю!