13 чэрвеня Прэзідэнт Беларусі Аляксандр Лукашэнка наведаў вытворчы ўчастак РВУП “Завод дакладнай электрамеханікі”, дзе запушчана серыйная вытворчасць самага масавага тыпу боепрыпаса – 122-міліметровага рэактыўнага снарада.
Кіраўнік дзяржавы ўважліва азнаёміўся з тэхналогіяй канчатковай зборкі рэактыўных снарадаў, падкрэсліўшы запатрабаванасць і своечасовасць наладжвання ўласнай вытворчасці боепрыпасаў. Асабліва ў цяперашніх умовах нарастаючай мілітарызацыі.
Старшыня Дзяржкамваенпрама Беларусі Дзмітрый Пантус, сустрэўшы Прэзідэнта на вытворчай пляцоўцы прадпрыемства, далажыў аб рабоце па арганізацыі вытворчасці айчынных боепрыпасаў, ступені іх лакалізацыі і перспектывах пашырэння лінейкі сродкаў паражэння.
Кіраўнік зброевага ведамства асабліва адзначыў, што рэактыўныя снарады, якія выпускаюцца, – гэта вынік карпатлівай працы больш як 20 прадпрыемстваў, якія знаходзяцца ў распараджэнні Дзяржкамваенпрама і Міністэрства прамысловасці Рэспублікі Беларусь.
Выкананне даручэння кіраўніка дзяржавы па развіццю вытворчасці айчынных боепрыпасаў у такія сціслыя тэрміны (з канца 2022 года) з’яўляецца відавочным сведчаннем выхаду беларускага ваенна-прамысловага комплексу на зусім новы якасны ўзровень свайго развіцця, магчымасці для задавальнення патрэб Узброеных Сіл у боепрыпасах у інтарэсах забеспячэння нацыянальнай бяспекі. Беларусі.
