5 кастрычніка ў актавай зале рэспубліканскага вытворчага унітарнага прадпрыемства “Завод дакладнай электрамеханікі” прайшоў круглы стол на тэму “Паўнавартасны электронны дакументаабарот”. Мерапрыемства адбылося ў рамках рэалізацыі Галіновай праграмы ў сферы лічбавага развіцця Дзяржаўнага ваенна-прамысловага камітэта Рэспублікі Беларусь на 2023-2025 гады.
Удзел у круглым стале прынялі прадстаўнікі арганізацый сістэмы Дзяржкамваенпрама, у тым ліку кіраўнікі ўкараняльных каманд, адказныя за рэалізацыю мерапрыемстваў па цыфравізацыі.
Любан Вікторыя Валер’еўна, член рабочай групы Дзяржкамваенпрама па цыфравізацыі галіны і прадпрыемстваў, якія ўваходзяць у сістэму Дзяржкамваенпрама, акцэнтавала ўвагу ўдзельнікаў на асноўных задачах у сферы лічбавага развіцця галіны, сярод якіх:
- укараненне адзінай ERP сістэмы са стварэннем галіновага цэнтра сэрвісу,
- укараненне галіновай аўтаматызаванай сістэмы справаздачнасці і архівавання даных,
- укараненне тэхналогіі ашчаднай вытворчасці і QRM.
Былі разгледжаны пытанні, звязаныя з лічбавым подпісам, апісаннем і аптымізацыяй маршрутаў дакументаабароту, этапнасцю ўкаранення, падрыхтоўкай тэхнічнага задання для ўкараняючай кампаніі, навучаннем персаналу рабоце ў сістэме ЭДА і кантролем.
У якасці эксперта для ўдзелу ў круглым стале выступіў намеснік дырэктара бізнес-школы SMD, бізнес-аналітык кансалтынгавай кампаніі “Бізнес аналітыка і кіраванне зменамі” Забалотны Ю.А.
Досведам укаранення электроннага дакументазвароту на сваім прадпрыемстве падзяліўся дырэктар ААТ «АЛЕЎКУРП» Новак У.А. Ён падрабязна азнаёміў удзельнікаў круглага стала з этапамі ўкаранення сістэмы электроннага дакументаабароту, расказаў аб праблемах і спосабах іх вырашэння прадпрыемствам, што ўзнікаюць на кожным этапе.
Трэба адзначыць, што “Завод дакладнай электрамеханікі” з’яўляецца адным з перадавых прадпрыемстваў Дзяржкамваенпрама, дзе ўкаранёна і эфектыўна функцыянуе сістэма электроннага дакументаабароту.
